Mission Statement
Pjan Pastorali 2012 - 2014
Bħala membri tal-parroċċa ta’ San Pietru fil-Ktajjen f’Birżebbuġa, nemmnu li għandna sehem mill-missjoni ta’ Kristu permezz tal-Magħmudija li rċevejna. Imħeġġin mill-Ispirtu s-Santu u fuq l-eżempju ta’ missierna San Pietru, nfittxu li:
- Nsaħħu u niċċelebraw il-Fidi tagħna f’Ġesu’ Kristu u r-relazzjonijiet tagħna ma’ xulxin bħala familja ta’ Alla permezz tal-Kelma u s-Sagramenti, speċjalment bl-Ewkaristija.
- Nikbru bħala komunita’ billi nfittxu l-ġid, l-aktar dak spiritwali, ta’kull wieħed u waħda minna għax hu jew hi dixxiplu ta’ Kristu.
- Inkunu ta’ għajnuna għall-oħrajn, l-aktar dawk li huma fil-bżonn (mingħajr ebda diskriminazzjoni ta’ razza, kulur, reliġjon, eċċ.,) bħalma għamel Ġesu’ u bħalma tgħallimna l-Knisja.
Leħen il-Parroċċa - Frar 2012